حملة على أذرع السيسي بسبب كورونا

0
في إطار حملة على أذرع النظام الإعلامية في مصر، تصدر وسم “#تامر_أمين_يهين_المصريين” قائمة الأكثر تداولاً على موقع “تويتر” في البلاد، بعد تداول مغردين فيديو من إحدى حلقات برنامجه “آخر النهار”، يسخر فيه من “الناس الغلابة اللي معاهم قدر معين من التعليم”.

وقال أمين في الحلقة نفسها من البرنامج الذي تعرضه قناة “النهار”: “لو سألتهم عن التباعد الاجتماعي هيقولك ده حاجة عالموبايل زي التواصل الاجتماعي، وواحد يقولك دي شركة مفروشات او تمويل عقاري”.

واعتبر المغردون هذه التصريحات مهينة لشريحة كبيرة من المصريين البسطاء، يحاول نظام الرئيس عبد الفتاح السيسي عبر أذرعه الإعلامية إلقاء اللوم عليهم في انتشار فيروس كورونا الجديد، ورفع المسؤولية عن النظام بعد فشله في مواجهته.

وهاجم محمد عطا الدولة وأذرعها: “‏هو علشان الدولة فاشلة ومش عارفين إزاي تتعاملوا مع الأزمة هتجبوها على الشعب ولا إيه.. الناس اللي بتتكلم عليها دي بتفهم أكتر منك وكمان أشرف منك.. إنتم عايزين تقولوا بنراهن على وعي الشعب وتسيب الشعب يموت.. عملتوا إيه للشعب علشان ينفذ التباعد الاجتماعي. ‎#تامر_أمين_يهين_المصريين”.

وردت صاحبة حساب “تونة”: “‏لو نسبة كبيرة من الشعب جاهله فده بسبب الإعلاميين اللي زيك. ‎#تامر_أمين_يهين_المصريين”. وغرد عبد الله: “‏في سؤال محيرني.. هم أمثال تامر قدم إيه لمصر، عشان يسخر من المصريين، تاريخهم كله تحريض ونفاق وهبل. ‎#تامر_أمين_يهين_المصريين”.

وأكد أحمد حبيب: “‏اللي يغلط في المصريين يبقى هو اللي جابة لنفسه. #تامر_أمين إلى مزبلة التاريخ. #تامر_أمين_يهين_المصريين. أوقفوا برنامج تامر أمين”. ودعا حكيم: “‏تامر أمين غلط ولازم يتحاسب مينفعش نسكت على الإهانة اللي هانها للمصريين”.

وطالبت سارة سمير: “‏لما يكون فيه إعلامي يطلع يقلل من عقل الشعب المصري ويستهزئ بيهم وميتوقفش يبقى محدش يزعل لما تلاقي كويتة يطلعوا يشتمونا.. أصل اللي مننا بيشتمنا يبقى الغريب مش هيشتم.. يا ريت يتم إيقاف تامر أمين بعد الإساءة للمصريين. #تامر_أمين_يهين_المصريين”.

ونشر حساب “مرصد شايفينكم” صوراً لأمين في سهراته، وكتب: “‏تامر أمين يسخر من المصريين علشان مش عارفين التباعد الاجتماعي… ما إنت عمرك ما تباعدت اجتماعيا في الكباريهات يا تمورة. #تامر_أمين_يهين_المصريين”.

وقارن أحمد: “‏‎#تامر_أمين_يهين_المصريين اللي بيصحى على لقمة العيش غير اللي بيصحى والمؤسسة العسكرية بتظرفه”.

وفسرت “أوسا”: “‏‎#تامر_أمين_يهين_المصريين.. طيب ما هو لازم يهين المصريين .. واحد دخل الإعلام بواسطة.. واحد أبوه حرامي مفضوح يبقى الطبيعي يطلع واطي عادي.. هو مين ما هان المصريين.. أنت متهان نايم صاحي قاعد ماشي.. أنت متهان في تعليمك وصحتك ولقمة عيشك.. بسبب حرامي كبير مشغل معاه شوية حرامية.. دا طبيعي”.

وهاجمه أحمد يحيى: “‏متعرفش يعني إيه تربيه… إعلامي فاشل.. كلامك عن المصريين خلى الناس كلها تطمع فينا… عيب. #تامر_أمين_يهين_المصريين”.​

المصدر: وكالات

تعليقات فيسبوك
قد يعجبك ايضا

اترك رد

لن يتم نشر عنوان بريدك الإلكتروني.